له مرکز او ولایتونو څخه د پوهنې ځینې خبرونه
- د هېواد له مرکز او ولایتونو څخه د پوهنې ترلاسه شوي خبرونه ښیي چې؛ د افغانستان.ا.ا. د مشرتابه عالي مقام د فرمان او د پوهنې وزارت د لایحې له مخې، د ښوونځیو د زده کونکو د یونیفورم د یو شان والي او په تعلیمي مرکزونو کې د مختلفو جامو له اغوستلو څخه د مخنیوي په موخه، د هېواد په کچه اوسمهال د پوهنیزو ادارو زده کونکي خپلو تعلیمي مرکزونو ته له ځانګړو جامو سره حاضرېږي.
- لوګر:
د لوګر ولایت د محمد اغې ولسوالۍ یو تن اوسېدونکي د زرغون او صحي چاپېریال رامنځته کولو لپاره، د یادې ولسوالۍ میرزاخېل لومړني ښوونځي ته د ۱۵ زره افغانیو په لګښت، د کیمیاوي سرې، میوه لرونکو او زینتي نیالګیو مرسته وکړه.
- فاریاب:
د فاریاب پوهنې ریاست لخوا، د مدارسو او دارالحفاظونو د مسئولینو او مهتممینو لپاره د قوانینو، کړنلارو او د اسلامي زده کړو د لایحو تشرېح تر سرلیک لاندې یو ورځنی سیمینار ترسره شو.
