غزني ولایت کې د ۷.۲ مېلیونه افغانیو په لګښت د ۴ بابه ښوونځیو بیارغونه بشپړه شوه
د غزني ولایت پوهنې رئیس محترم الحاج مولوي میر نصیر احمد حسیني په وینا، د یاد ولایت په مرکز سربېره ګیرو، اندړو او خوږیاڼو ولسوالیو کې د ۴ بابه ښوونځیو ترمیم او بیارغونه په دې وروستیو کې بشپړه او د پوهنې چارواکو، یو شمېر سیمهییزو ادارو د استازو، علماءکرامو او مشرانو په حضور کې پرانیستل شول.
د پوهنې رئیس زیاته کړه: د پورته ذکر شویو ښوونځیو د بیارغونې مالي لګښت د پوهنې وزارت له بودیجې څخه ورکړل شوی او موخه یې د زدهکوونکو لپاره مناسب تعلیمي چاپېریال چمتو کول دي.
