د یونسکو په ۴۰مه ناسته کې د پوهنې وزارت استازې ګډون وکړ
د پوهنې وزارت_کابل: د پوهنې وزارت د یونسکو ملي کمسیون رئیس محمدشاکر حبیب یار د افغانستان ښوونې او روزنې سکتور په استازیتوب د یونسکو سازمان په ۴۰مه عمومي ناسته کې ګډون وکړ. په دې دوه ورځنۍ ناسته کې چې د نومبر په ۱۲ او ۱۳ د فرانسې پاریس ښار کې تر سره کیږي د نړۍ ۱۹۸ هیوادونو استازو ګډون کړۍ او د (د ښوونې او روزنې، کلتوري، تکنالوژي او ساینس پروګرامونو لپاره پالیسي جوړونو) موضوعاتو په اړه د خبرو اترو لپاره سره راټول شوي. دا کنفرانس د یاد سازمان د غړو هیوادونو سره د یونسکو سازمان د مرستو په اړه د پریکړې کولو لپاره عالي مرجع ده.
افغانستان په ۱۹۴۸ لمریز کال کې د یونسکو سازمان غړۍ شو او سږ کال د یاد سازمان د اجرایوي بورد د غړیتوب لپاره نوماند شوۍ دۍ او د یاد سازمان د غړیتوب تر لاسه کولو وروسته به د یونسکو مالي مرستې د افغانستان لپاره نورې هم ښې شي.
د یونسکو کنفرانس په هر دوه کلونو کې یو ځل د فرانسې په پاریس ښار کې تر سره کیږي او ۴۰۰ غړي لري. د یادونې وړ ده چې د یونسکو سازمان دا مهال د افغانستان پوهنې وزارت سره د نصاب اصلاح، ښوونیز پلان جوړونې او د سواد زده کړې ټولګیو جوړولو په لاره کې مرستې کوي.
