د کابل ولایت پوهنې ریاست کارکوونکو لپاره مسلکي سیمینار پرانیستل شو
د پوهنې ریاستونو د اداري او تعلیمي اسنادو د پروسو ساده کولو په اړه سیمینار، د اداري اصلاحاتو او ملکي خدمتونو کمېسیون له خوا د کابل ولایت پوهنې ریاست د مهمو څانګو مسئولینو او د یاد ولایت د څوارلسګونو ولسوالیو پوهنې آمرینو په حضور کې پیل شو.
لومړی د کابل ولایت پوهنې رئیس د اداري اصلاحاتو او ملکي خدمتونو کمېسیون د استازو او متخصصینو څخه د ستاینې او مننې ترڅنګ، د موضوع او د کمېسیون سره د ښې همغږۍ په اړه خبرې اترې ترسره او زیاته یې کړه: "د کابل ولایت پوهنې ریاست تل د چارواکو سره د تعلیمي پروګرامونو د ودې او پراختیا لپاره هڅې کوي."
ورپسې د کمېسیون استازو او متخصصینو هر یو په خپل وار سره د مرکز او ولسوالیو پوهنې په آمریتونو او ادارو کې د چارو ساده کولو په اړه مفصل معلومات وړاندې کړل، چې د مجلس د ګډونوالو له لوري یې تود هرکلی وشو.
د یادونې وړ ده چې پورته ذکر شوی سیمینار به دوه ورځې دوام وکړي.
