د پکتیکا ولایت د ابوهریره (رضی الله عنه) مدرسې جومات به ډېر ژر ګټې اخیستنې ته وسپارل شي
د پکتیکا ولایت ګومل ولسوالۍ اړوند د ابوهریره (رضی الله عنه) د مدرسې د جومات جوړېدو چارې، چې څه موده وړاندې پیل شوې دي، پنځوس سلنه پرمخ تللې او په بشپړېدو سره به د زده کوونکو او پرسونل لپاره ګټې اخیستنې ته وسپارل شي.
د یاد جومات لګښت۸۰۰ زره افغانۍ اټکل شوی، چې د همدغه ولسوالۍ د دينداره اوسېدونکو له خوا راټول او ورکړل شوى دى.
د مدرسې منسوبینو د دغه جومات په جوړېدو خوښي څرګنده کړه او په یاد ولايت کې يې د پوهنې وزارت له پروګرامونو څخه خپل ملاتړ څرګند کړ.
د پوهنې وزارت مشرتابه د یاد جومات د جوړولو په برخه کې د هېواد د خلکو په ځانګړې توګه د پکتیکا ولایت ګومل ولسوالۍ د اوسېدونکو له ملاتړ څخه مننه کوي.
