د پوهنې وزارت لوړ پوړي پلاوي پنجشېر ولایت ته سفر وکړ
د پوهنې وزارت د اسنادو د تعقیب، احکامو او لارښوونو، احصایې، معلوماتي ټکنالوژۍ، خدماتو او سواد زده کړې د رئیسانو یو پنځه کسیز لوړ پوړي پلاوي، د پنجشېر ولایت پوهنې ریاست د اداري او تخنیکي وسایلو د کتلو په موخه، یاد ولایت ته رسمي سفر وکړ.
په پیل کې د پنجشېر ولایت پوهنې رئیس مولوي غلام ایشان حماس، یاد ولایت ته د ورغلي پلاوي سفر یو نېک ګام وباله او د پوهنې رياست د کړنو، لاس ته راړنو، د یاد ریاست د تجهيزاتو ساتنې او یو شمېر نورو موضوعاتو په تړاو یې پلاوي ته تفصیلي معلومات وړاندې کړل.
د پوهنې وزارت پلاوي د پنجشېر پوهنې رياست له مشرتابه څخه د وسايلو د ساتنې له امله قدرداني وکړه او د خپلې کاري اجنډا له مخې يې په یاد ریاست کې د وسايلو د ثبت د اسنادو او کتابونو په ليدو سره یاده موضوع په هر اړخيزه توګه و څېړله.
په پای کې د سروې پایلې د یاد ولایت پوهنې ریاست له مشرتابه سره شریکې شوې.
