د پوهنې وزارت سرپرست وزیر الحاج مولوي حبیب الله آغا د بشري سرچینو او اداري پراختیا لوی ریاست څخه لیدنه وکړه
قدرمن وزیر صاحب د یاد ریاست له کارکوونکو سره په لیدنه کې د تعارف ترڅنګ، هغوی ته د چارو د ښه سمون او د پوهنې د ودې او پرمختګ لپاره په اخلاص او صداقت د کار کولو سپارښتنې وکړې او کارکوونکي یې وهڅول ترڅو خپلې دندې په ښه توګه ترسره او د تعلیم د تعمیم په برخه کې خپله وجایب ادا کړي.
ورپسې د بشري سرچینو لوی ریاست مشرتابه لخوا محترم وزیر صاحب ته ښه راغلاست وویل شو او ژمنتیا یې څرګنده کړه چې اړونده ورسپارل شوی مسئولیت او دندې به په ډېر اخلاص او ایمانداري ترسره کوي او ډاډ یې ورکړ چې د تعلیم او تربیې د ودې او پیاوړتیا په برخه کې به هیڅ راز هڅې او خدمتونه نه سپموي.
