د پوهنې وزارت سرپرستې آغلې رنګینې حمیدي د مصر له سفیر سره وکتل
د پوهنې وزارت، کابل: د پوهنې وزارت سرپرستې آغلې رنګینې حمیدي د پوهنې په وزارت کې د مصر له سفیر شهرزاده هیرجی سره وکتل.
په دغه لیدنه کې دواړو لوریو په یو شمیر مسایلو لکه ښوونځیو ته پراختیا ورکول، د کتابونو چمتو کول، د ښوونې او روزنې په بهیر کې د کوید ١٩ ویروس منفي تاثیرات او د پوهنې زده کړو پر تقویت او ظرفیت جوړونې بحث او خبرې وکړې.
ښاغلي شهرزاده هیرجی زیاته کړه: که څه هم د کوید ١٩ ویروس د دوی پر فعالیتونو منفي اثر کړی او د دوی ځینې برنامې یې له خنډ او ځنډ سره مخ کړې دي خو د دغه ننګونو په ختمیدو سره به د تیر په شان دخپلو نویو برنامو او د پوهنې وزارت د لومړیتوبونو په پام کې نیولو سره د ښوونې او زوزنې په برخه کې د پوهنې وزارت تر څنګ ولاړ وي.
د پوهنې وزارت سرپرستې آغلې رنګینې حمیدي د دې هیواد له همکارۍ څخه په ځانګړي توګه د پوهنې په برخه کې مننه وکړه او ټینګار یې وکړ چې کیفیت او معیاري زده کړو ته د خلکو لاسرسي د پوهنې وزارت اصلي هدف دی.
