د پوهنې وزارت د سرچینو او ادارې معینیت پلاوي د کابل ښار له پوهنې ریاست مسئولینو سره غونډه وکړه
د پوهنې وزارت د سرچینو او ادارې معین مولوي صبغت الله وصیل په مشرۍ پلاوي، د کابل ښار له پوهنې ریاست مسئولینو سره مشورتي غونډه وکړه.
د یادې غونډې اساسي موخه د کابل ښار پوهنې ریاست په تشکیلاتو کې د چارو لاښه والی بلل شوی دی.
غونډه د الهي کلام د څو مبارکو آیتونو په تلاوت سره پیل شوه؛ ورپسې د کابل ښار پوهنې رئیس قاري عبدالباسط حقاني د سرچینو او ادارې معین ته ښه راغلاست ووایه او د پوهنې وزارت مشرتابه پلاوي ته یې د یاد ریاست د تشکیلاتو او یو لړ نورو موضوعاتو په تړاو معلومات وړاندې کړل.
په ورته مهال د پوهنې وزارت د سرچینو او ادارې معین، شته ستونزو او ننګونو ته په اشارې سره د کابل ښار پوهنې ریاست له کړنو ستاینه وکړه او ویې ویل، موږ هر یو مسئولیت لرو، تر څو د هېواد د پوهنیزنظام د کیفیت د لوړولو لپاره په نه ستړي کېدونکي ډول قدمونه پورته کړو؛ نوموړي زیاته کړه، راځئ چې یو ټینګ دریځ ونیسو او عملی اقدامات وکړو.
همدارنګه د کابل ښار پوهنې ریاست مسئولینو او د ښوونیزو حوزو آمرینو خپلې لاسته راوړنې او ستونزې لکه: د بودیجې کموالی، تشکيلاتي ستونزې او د مسلکي ښوونکو د کموالي موضوع له مشرتابه سره شریک کړل.
د پوهنې وزارت پلاوي د کابل ښار په ښوونځیو کې د مسلکي ښوونکو د نشتوالي د حل او د هغوی د وړاندیزونو په عملي کولو کې د همکارۍ ژمنه وکړه.
غونډه د دعائیې په لوستلو سره پای ته ورسېده.
