د پوهنې وزارت د دعوت او ارشاد ریاست مسئولینو د بشري سرچینو د لوی ریاست له مسئولینو او کارمندانو سره ګډه ناسته تر سره کړه 

د پوهنې وزارت د دعوت او ارشاد ریاست  مسئولینو د یاد وزارت د بشري سرچینو ، استخدام او تشکیل ریاستونو له رئیسانو، آمرینو،  مدیرانو او کارمندانو سره مشترکه غونډه دایره کړه.
په یاده غونډه کې د دعوت او ارشاد ریاست رئیس مولوي عبدالحی حازم د غونډې حاضرینو ته تفصیلي وینا وکړه او د خپلې وینا په ترڅ کې یې هغوی ته د تقواد اختیارولو، له رشوت، اختلاس او اداري فساد څخه د ځان ساتلو او د شرعي اصولو او مقرراتو ته د بشپړ التزام سپارښتنې وکړې.نوموړي د غونډې ګډون وال  دې ته  وهڅول ترڅو د خپلو دندو په اجراءکولو کې رښتیني، هڅاند او فعال واوسي. هره ورځ په منظم ډول خپلو دندو ته حاضر شي، له مراجعینو او کارمندانو سره غوره سلوک او د بیت المال له اجناسو سره پوره احتیاط وکړي. خپل شخصیت او تشخص ته پوره پاملرنه ولري.  د کارمندانو په تقرر  او ګمارنه کې د هغوی تعهد او تخصص یا امانت او وړتیا په نظر کې ونیسي.
غونډه د دعائیې په لوستلو سره پای ته ورسیده.