د پوهنې وزارت د دعوت او ارشاد او کابل ښار پوهنې مسئولینو ترمنځ غونډه ترسره شوه
د پوهنې وزارت د دعوت او ارشاد رئيس مولوي جمعه خان سروري، د کابل ښار له پوهنې رئيس قاري عبدالباسط حقاني سره وکتل او د دعوت او ارشاد رياست د پلانونو او پروګرامونو پر ټاکلي وخت د پلي کېدو پر اهميت يې خبرې وکړې.
د دعوت او ارشاد رئيس څرګنده کړه: له دې امله چې ښوونه او روزنه د ماشومانو د روزنې او د هېواد په راتلونکي جوړونه کې بنسټیز نقش لري، نو له همدې امله باید د زده کوونکو د سالمې روزنې او د هغوى د پوهاوي کچې لوړولو او د دعوت او ارشاد ریاست د حکمونو او پروګرامونو د تطبیق په برخه کې، د کابل ښار د پوهنې ریاست په کچه، د ښوونیزو ساحو، ښوونځیو او ښوونیزو کورسونو په اړه باید منظم پلانونه طرح او پلي شي.
په پای کې د کابل ښار پوهنې رئیس د دعوت او ارشاد له رئیس سره په لیدنه کې خوښي څرګنده کړه او د غونډې د پرېکړو په پلي کولو کې یې د همکارۍ ژمنه وکړه.
