د ولایتونو له پوهنې ډګره د څو مهمو خبرونو لنډیز
کندهار
د کندهار ولايت پوهنې رئيس الحاج مولوي فخرالدين نقشبندي، د یاد ولايت «د نعمانيه نقشبندیه السلامیه» مدرسې له ښوونیزو او اداري کړنو څخه ليدنه وکړه.
هرات
د هرات ولايت پوهنې رياست د افغان پوسټ شرکت له لارې، د یاد ولایت د ښوونځيو د فارغانو د نتایجو او شهادتنامو د لېږدولو بهير د پوهنې وزارت د نتایجو او شهادتنامو رياست ته پيل کړ.
پنجشېر
د پنجشېر ولايت پوهنې رئيس مفتي حبيب الله نوري قتاده، په مرکز بازارک کې د ولي محمد شهيد لېسې څخه څارنه وکړه، په مدارسو او ښوونځيو کې يې د درسي کيفيت پر لوړولو ټينګار وکړ.
کابل
د کابل ولایت پوهنې رئیس الحاج مولوي عبدالحق حقاني، د یاد ریاست د مرکزي څانګو له کارکوونکو څخه لیدنه وکړه، د هغوی ستونزې، وړاندیزونه او د مراجعینو غوښتنې یې له نیږدې وڅېړلې او هغوی ته یې لازمې سپارښتنې وکړې.
هلمند
د هلمند ولايت پوهنې رياست د خصوصي ښوونيزو بنسټونو له ۲۴۷ تنو فارغانو څخه چې د انګلیسي ژبې په برخه کې یې زده کړې کړې وې، آزموينه واخيسته تر څو د یادې پروسې بریالیو نوماندانو ته تصدیق پاڼې ډالۍ کړي.
