د هلمند په دوو ولسوالیو کي پر ښځینه زده کوونکو د غوړیو د ویش لړۍ پیل شوه
د پوهنې وزارت_هلمند: د هلمند پوهنې ریاست اړوند په نادعلي او ګرشک ولسوالیو کي ښځینه زده کوونکو ته د غوړیو د ویشل لړۍ پیل شوه.
د غوړیو د ویش په مهال د هلمند پوهنې رئیس تر څنګ د نادعلي ولسوالۍ ولسوال، قومي مشرانو او د ښوونځۍ د شورا غړو ګډون درلود.
د هلمند پوهنې رئیس محمد داؤد شاه صفاري وایي چي په نادعلي او ګرشک ولسوالیو کي به ۷۲۵۴ زده کوونکو ته ۶۵،۲۸۶ ټنه غوړي چي هر زده کوونکي ته په میاشت کي ۴،۵ کیلو ګرامه د (WFP) موسیسې په مرسته وویشل شي.
ښاغلي صفاري د ښوونځیو د شوراګانو غوښتنه وکړه چي په یاده پروسه کي پوره څارنه ترسره کړي هغه همداراز ټینګار وکړ چي د شورا غړي دي د ښځینه زده کوونکو په هڅولو خپل ټول توان په کار واچوي تر څو د هلکانو سره سره د انجونو کچه هم لوړه شي.
د یادوني وړ ده چي د غوړیو ویش د ښځینه زده کوونکو د کچي زیاتولو باندي مثبت اغیز درلودلی شي.
