د لوړو زده کړو وزارت سرپرست د پوهنې وزارت له سرپرست سره وکتل
د لوړو زده کړو وزارت سرپرست شیخ نداء محمد ندیم د یاد وزارت مالي او اداري معین حافظ محمد حامد حسیب په ملتیا، د پوهنې وزارت له سرپرست الحاج مولوي حبیب الله آغا سره وکتل.
په پیل کې د پوهنې وزارت سرپرست د لوړو زده کړو وزارت سرپرست او ورسره معین ته ښه راغلاست ووایه؛ ورپسې دواړو لورو د مدارسو د راتلونکو ګډو آزموینو پر څرنګوالي، د پوهنیز کیفیت لوړوالي، د دواړو وزارتونو ترمنځ د دوه اړخیزه همکاریو او همغږیو رامنځته کولو په تړاو لازمې مشورې ترسره او نظرونه تبادله کړل.
په پای کې دواړو مشرانو دغه ډول ناستې د همغږۍ په پیاوړتیا کې مهمې وبللې او پر دوام یې ټینګار وکړ.
