د لغمان د پوهنې له ریاست څخه د پوهنې د فعالیتونو لنډ خبرونه
د لغمان ولایت د پوهنې رئیس مولوي شاه جهان ساجد د دغه ولایت د ښوونکو د روزنې په ریاست کې د داخل خدمت زده کوونکو د ازموینې له بهیر څخه د لیدنې پر مهال هغوی ته د علم او پوهې د زده کړې په برخه کې خبرې وکړې او هغوی یې لوړو زده کړو ته وهڅول او همدا ډول د ازموینې له تنظیموونکو څخه یې وغوښتل، چې د ازموینو په بهیر کې شفافیت او عدالت په پام کې ونیسي.
د لغمان ولایت د پوهنې رئیس مولوي شاه جهان ساجد د دغه ولایت د پوهنې ریاست د اداري څانګو له کړنو او د کاري پلان د کنټرول ترڅنګ هغوی یې وهڅول چې په خپلو ورځنیو دندو کې په اخلاص او صداقت سره کار وکړي.
د لغمان ولایت د قرغیو والسوالۍ د پوهنې آمر ثاقب مخلص له خپل مل پلاوي سره د دې والسوالۍ د ویس بابا د نجونو له ښوونځي، د قرغیو د هلکانو له لېسې، د لمر له ښوونیز مرکز او یو شمېر نورو ښوونیزو کورسونو له اداري او تدریسي چارو څخه لیدنه وکړه. او د څلورم میاشتني ازموينې د ترسره کېدو په اړه يې اړوندو مسوولينو ته معلومات ورکړل.
د لغمان ولایت د الینګار والسوالۍ د پوهنې د څارنې آمریت غړو د شهید عبدالوهاب او د الینګار د راجايي ښوونځیو له اداري او تدریسي چارو څخه څارنه وکړه او د څلور نیم میاشتنیو ازموینو د اخیستو په اړه یې د یادو ښوونځیو له مدیرانو سره خبرې وکړې.
د لغمان ولایت د الیشنګ والسوالۍ د پوهنې د څارنې دوه غړو ارشاد الله سادات او محمد ظریف ملیزاده د راتلونکو څلورو نیمو میاشتنیو د ازموینو د بهیر د لارښوونې په موخه د دې والسوالۍ د اسلام اباد د نجونو ښوونځي له مدیرانو سره وکتل. او د دغه ښوونځي ځینې اداري او تدریسي اسنادونه هم وڅېړل شوې.
