د سیرتالنبي ﷺ د علمي سیالیو پایلې د کابل ښار په یوه ښوونځي کې اعلان شوې
د کابل ښار د یوولسمې ناحیې اړوند د استاد محمد کریم کابلي عالي لېسې زدهکوونکو ترمنځ د سیرتالنبي ﷺ علمي سیالۍ پایلې د یوې ځانګړې غونډې په ترڅ کې اعلان شوې.
په دې سیالۍ کې شاوخوا ۵۰۰ تنو زدهکوونکو ګډون کړی و، چې پایلې یې د یوې ځانګړې غونډې په ترڅ کې د کابل ښار پوهنې رئیس محترم مولوي جنتګل عزیز، ښوونکو او زدهکوونکو په حضور کې اعلان شوې.
د پوهنې رئیس د غونډې په پیل کې د زدهکوونکو هڅې وستایلې او هغوی ته یې د لا زیاتې بریا دعا وکړه.
نوموړي د سیرتالنبي ﷺ د زدهکړې او پیژندنې پر ارزښت هر اړخیزې خبرې وکړې او زیاته یې کړه:“د شریعت له مخې د رسول الله ﷺ سیرت زدهکول فرض دي او دا د خوښۍ ځای دی، چې زموږ زدهکوونکي د عصري تعلیم تر څنګ په اسلامي روحيه هم روزل کېږي.”
ورپسې د سیالیو پایلې اعلان او بریالي زدهکوونکي د تقدیرنامو او ډالیو په وېشلو سره وستایل شول.
