د زابل ولایت د ښوونځيو امرين او د ریاست يو شمېر کارکوونکي وستايل شول
د پوهنې وزارت_زابل: د زابل د پوهنې رياست له لوري هغه ښوونکي، مديران او اداري کارکوونکي چي په خپلو ورسپارل شويو دندو کي يي په پوره اخلاص له ځانه ښايستګي ښودلي اوستړي يي ګاللي د پوهنې وزارت له لوري په هغو تقديرنامو او تحسين نامو وستايل شول چي د ښوونکي د نړيوالي ورځي په مناسبت د زابل د پوهني د رياست محترمو ښوونکو او کارکوونکو ته په نظر کښي نيول شوي وي .
د پوهنې رييس نصرالله زاهد وويل چې د دې ریاست ټول کار کوونکي په خورا اخلاص او صداقت لګیا دي او خپلې ورسپارل شوې دندې يې په ښه توګه ترسره کړې دي موږ ورته په ټولو چارو کې بريا غواړو.
