د ریاست الوزراء اداري مرستیال د ۱۴۰۳ لمریز کال کانکور آزموینې ممتاز زده کوونکي او ط.الب العلمان وستايل
د ریاست الوزراء اداري مرستیال الحاج مولوي عبدالسلام حنفي له لوري، د ۱۴۰۳ لمریز کال کانکور آزموینې مخکښ زده کوونکي او ط.الب العلمان د یو لړ شانداره مراسمو په ترڅ کې وستایل شول.
په یادو مراسمو کې د پوهنې وزارت د سرچینو او ادارې معین الحاج مولوي صبغت الله وصیل او د یاد وزارت یو شمېر رئیسانو هم ګډون درلود.
په دغو مراسمو کې د ریاست الوزراء اداري مرستیال زده کوونکو ته په خطاب کې وويل: تاسو د هېواد د راتلونکي معماران ياست او لازمه ده، تر څو د هېواد او خلکو په وړاندې خپل مسئوليتونه په صادقانه ډول د علم او پوهې په رڼا کې اداء کړئ.
نوموړي زیاته کړه: موږ په ټولو څانګو کې متخصصو او علمي کادرونو ته اړتیا لرو او ژمن یو چې د افغانستان په ټولو برخو کې متوازن ښوونیز خدمتونه وړاندې کړو.
ورپسې د پوهنې وزارت د سرچینو او اداري معین د افغانستان .ا.ا. د رهبرۍ له هغو هلوځلو مننه وکړه، کوم چې د پوهنې وزارت له پلانونو او پروګرامونو او د کانکور آزموینو ممتازو زده کوونکو سره د لیدنې او ملاتړ په خاطر یې ترسره کړې دي.
په پای کې ممتازو زده کوونکو ته د یاد مقام له لوري چمتو شوي ډالۍ هم ورکړل شوې.
