د بلخ له پوهنې ریاست څخه خبرونه
د بلخ ولایت د پوهنې رئیس الحاج مولوي عبدالجلیل شهیدخیل په مزارشریف کې د کمبریج نړیوال خصوصي کورس له فعالیتونو څخه لیدنه وکړه او یاد کورس یې د اسلامي امارت د احکامو د سرغړونې له امله بند کړ.
د بلخ پوهنې ریاست مشرتابه یوځل بیا له ټولو خصوصي ښوونیزو مرکزونو وغوښتل، چې خپل ټول ښوونیز فعالیتونه د پوهنې وزارت له قوانینو سره سم تنظیم کړي.
د بلخ ولایت پوهنې رئیس او ورسره پلاوي د غازي امان الله خان لېسې له اداري او تدریسي چارو څخه لیدنه وکړه او د ښوونیز وضعیت د ښه والي په موخه یې په دغه لېسه کې د یو لړ اداري بدلونونو وړاندیز وکړ.
د بلخ ولايت پوهنې رئيس، د پوهنې او د تعلیمي څارنې آمرینو د مزارشريف ښار او د شولګرې، بلخ، شورتېپې او مارمل ولسواليو د يو شمېر ښوونځيو او ديني مدارسو له تدريسي او اداري فعاليتونو څخه ليدنه وکړه او اړوندو مسوولينو ته يې د ښوونیزو فعالیتونو د ښه والي په موخه لارښوونې وکړې.
د بلخ د ولايتي ادارې له خوا ټاکل شوى پنځه کسيز پلاوي، چې په کې د ټولنيزو چارو ریاست رئيس، د ولایت د مقام يو استازى، د اداري اصلاحاتو آمر، د اطلاعاتو او فرهنګ او د عدلیې رياست استازي شامل وو، د پوهنې رئيس الحاج مولوي عبدالجليل شهیدخېل په ملتیا، د دې ولايت د پوهنې ریاست له بېلابېلو ادارو څخه ليدنه وکړه.
