د عامو خلکو لخوا د هرات ولایت له ښوونیزو بنسټونو سره څه د پاسه۲۷۰ زره افغانۍ مرسته شوې
د هرات ولایت د شینډنډ ولسوالۍ علمپروره خلکو او د ښوونځیو شوراګانو غړو، د ښوونیر او روزنیز بهیر پیاوړتیا او ښه والي په موخه، د یادې ولسوالۍ له ښوونیزو بنسټونو سره د څه د پاسه۲۷۰ زره افغانیو په ارزښت مرسته وکړه.
د شینډنډ ولسوالۍ د پوهنې مسوولینو په وینا، په دغو مرستو کې د مېزونو او څوکیو برابرول، د فرشونو پېرودل، د کولرونو برابرول او د مرکزي، بي بي خدیجې «رضی الله عنها»، سبزوار او پایکشک ښوونځیو لپاره د لمریزې برېښنا سیسټمونو نصبول شامل دي.
