د هرات ښار په دولسمه ناحیه کې "د خلک او پوهنه" تر سرلیک لاندې ولسي مشورتي غونډه وشوه
د هرات ولایت پوهنې ریاست، د عامه بحثونو او د یاد ولایت د اوسېدونکو د رغنده نظرونو او وړاندیزونو له اورېدو وروسته، د پوهنیز نظام لا ښه والي په اړه "د خلک او پوهنه" تر سرلیک لاندې یوه مشورتي غونډه وکړه چې د هرات ښار د دولسمې ناحیې علماءکرامو، د سیمهییزو شوراګانو مشرانو، وکیلانو، د ښوونځیو شوراګانو غړو او بانفوذه شخصیتونو پکې ګډون درلود.
د هرات ولایت پوهنې رئیس په یوه وینا کې وویل چې له دغې ولسي غونډې یې اساسي موخه په یاد ولایت کې د ښوونیز نظام لاښه والي او د پوهنې ریاست لپاره د خلکو د مادي او معنوي ملاتړ راجلبول دي.
