فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه
د فاریاب ولایت په خواجه موسی ولسوالۍ کې د "یکهتپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸ درسي ټولګي، اداري خونې، لابراتوار، برېښنا سیسټم، احاطوي دېوال او د څښاک پاکو اوبو شبکه شامله ده، چې د ۱۴.۳۶ مېلیونه افغانیو په لګښت د یوې همکارې ادارې په مالي مرسته جوړه شوې ده.
د فاریاب ولایت پوهنې چارواکو په وینا، د دغې ودانۍ په جوړېدلو سره د ښوونځي د زدهکوونکو ستونزې حل او هغوی ته خوندي او معیاري تعلیمي چاپېریال برابر شو.
