د پوهنې وزارت د مقام د دفتر نوی رئیس معرفي شو

media-moe
یکشنبه ۱۴۰۴/۵/۱۹ - ۱۴:۳۸
45

د پوهنې وزارت د مقام د دفتر نوي رئیس شیخ محمد طارق طاؤس، د ښوونې او روزنې معین او د یاد وزارت کفیل الحاج مولوي سخاءالله سعید له خوا، د یو لړ ځانګړو مراسمو په ترڅ کې معرفي شو.

په یادو مراسمو کې د پوهنې وزارت مالي او اداري معین الحاج مولوي صبغت الله وصیل، مرکزي ریاستونو رئیسان او ګڼ شمېر کارکوونکي هم حضور درلود.

په پیل کې، د ښوونې او روزنې معین او کفیل، د مقام د دفتر د مخکني رئیس الحاج مولوي شهاب‌الدین ثاقب خدمتونه او هڅې وستایلې. نوموړي د نوي رئیس شیخ محمد طارق طاؤس لپاره د بریالیتوب هیله څرګنده کړه او له ټولو کارکوونکو یې وغوښتل چې د نوي رئیس سره په چارو کې بشپړه همکاري وکړي.

ورپسې، د مقام د دفتر مخکني رئیس الحاج مولوي شهاب‌الدین ثاقب د آمر د اطاعت، د نظم او انضباط په اهمیت او د اداري چارو د پرمخ بیولو په اصولو مفصلې خبرې وکړې. هغه له کارکوونکو وغوښتل چې د نوي رئیس سره له صمیمي همکارۍ او وفادارۍ څخه کار واخلي او له نوي رئیس یې د کارکوونکو په وړاندې د شفقت او مهربانۍ غوښتنه وکړه.

همدارنګه، د مقام د دفتر نوي رئیس شیخ محمد طارق طاؤس په خپلو خبرو کې وویل، هغه مسئولیت چې د ا.ا.ا د رهبري عالي مقام له لوري په ورسپارل شوی، د پوره اطاعت ژمنه وکړه. نوموړي زیاته کړه، چې د خپلې مسلکي تجربې او وړتیاوو په رڼا کې به د ا.ا.ا د پوهنې وزارت د چارو د ښه سمون او پرمختګ لپاره په اخلاص سره کار کوي.

غونډه د پوهنې وزارت د مالي او اداري معین محترم الحاج مولوي صبغت الله وصیل په دعائیې سره پای ته ورسېده.

تازه خبرونه

شنبه ۱۴۰۴/۹/۸ - ۱۰:۵۸
Background image

فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه

د فاریاب ولایت په خواجه موسی ولسوالۍ کې د "یکه‌تپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸. . .

پنجشنبه ۱۴۰۴/۹/۶ - ۱۱:۳۲
Background image

د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه

د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډون‌والو څخه ۵۶ یې د شرایطو وړ وپېژندل شول. . .

پنجشنبه ۱۴۰۴/۹/۶ - ۱۱:۳۰
Background image

د پوهنې وزارت د دعوت او ارشاد محترم رئیس د فراه ولایت له پوهنې چارواکو سره وکتل

د پوهنې وزارت د دعوت او ارشاد رئیس محترم الحاج مولوي جمعه خان سروري په رسمي سفر فراه ولایت ته لاړ او د یاد ولایت له پوهنې رئیس محترم الحاج مولوي اخترمحمد زعیم او چارواکو سره یې وکتل.
پل. . .

BACK TO NEWS