فاریاب ولایت کې د ۱۵ مېلیونه افغانیو څخه په زیات لګښت د ښوونځي ودانۍ ورغول شوه
د فاریاب ولایت چهلګزي ولسوالۍ "اصحاب کهف" لومړني ښوونځي نوې ودانۍ، چې د ۱۵ مېلیون او ۲۷۰ زره افغانیو په لګښت د یوې تعلیمي همکارې ادارې په مالي ملاتړ جوړه شوې، د یاد ولایت پوهنې رئیس او چارواکو په حضور کې افتتاح او په رسمي ډول ګټې اخیستنې ته وسپارل شوه.
د ښوونځي دغه ودانۍ ۸ درسي ټولګي، یوه اداري خونه، لابراتوار، لمریزې برېښنا سیسټم او نور اړین ملحقات لري.
د فاریاب ولایت پوهنې رئیس محترم الحاج مولوي حمیدالله «ارشاد» د پوهنیز کیفیت لاښهوالي لپاره د مناسب چاپېریال پر اهمیت ټینګار وکړ او ویې ویل چې د ښوونځیو جوړولو پروژې د پوهنې وزارت له کاري لومړیتوبونو څخه دي.
