په هرات ولایت کې د ۶ بابه ښوونځیو لپاره د احاطوي دېوالونو رغنیزې چارې پیل شوې
د پوهنې سره د یوې همکارې ادارې له بودیجې څخه، د هرات ولایت په کشک کهنه، رباط سنګي او انجیل ولسوالیو کې د ۱۵.۷ مېلیونه افغانیو په لګښت، د ۶ بابه ښوونځیو د احاطوي دیوالونو جوړولو کارونه پیل شول.
د هرات ولایت پوهنې رئیس محترم مولوي رحمت الله جابر، په پورته ذکر شویو ولسوالیو کې د یادو پروژو په اړه وویل: د پوهنې وزارت ژمن دی چې د ښوونځیو د تجهیزاتو او بیارغونې اړتیاوې تر ممکنه حده پوره کړي.
نوموړي د ښوونیز نظام لاپیاوړتیا په برخه کې له خلکو څخه د مادي او معنوي ملاتړ غوښتنه وکړه.
