د پکتیکا ولایت په یو ښوونځي کې د پاکو اوبو یو حلقه څاه کیندلو چارې پیل شوې
د پکتیکا ولایت سر روضې ولسوالۍ اړوند شاطور ښوونځي لپاره د څښاک پاکو اوبو یو حلقه څاه کیندلو چارې، د ځايي خلکو په همکارۍ د ۳۰ زره افغانیو په لګښت سره پيل شوې.
تمه کېږي، چې د دغه څاه په بشپړېدلو سره به د ښوونځي د منسوبینو او کارکوونکو د پاکو اوبو نشتوالي ستونزه حل شي.
د پوهنې وزارت مشرتابه له ښوونیز نظا سره د خلکو، په ځانګړې توګه د پکتیکا ولایت علم پروره ولس له مادي او معنوي ملاتړ څخه مننه کوي او د هېواد د ماشومانو د زدهکړې بهیر لا ښه والي په برخه کې د هغوی کړنې ستایي.
