د ولایتونو له پوهنې ریاستونو څخه ځینو خبرونو ته لنډه کتنه

- سمنګان
د سمنګان ولایت مرکز ایبک ښار اړوند د کارته مأمورین عالي لېسې له ۱۰۰ تنو څخه زیاتو زده کوونکو ته، د ۶۴ زره افغانیو په لګښت ۳۵۰۰ ټوکه درسي کتابونه ووېشل شول.

- لوګر
د لوګر ولایت بره کي برک ولسوالۍ اړوند ابراهیم خېل کلي د اوسېدونکو د وړاندیز پر بنسټ؛ په یاده سیمه کې ابراهیم خېل منځني ښوونځي، لېسې دورې ته د پوهنې وزارت لخوا ارتقاء ورکړل شوه.

- بدخشان
- د بدخشان ولایت په کشم ولسوالۍ کې د میر فضل الله عالي لېسې د ودانۍ جوړولو چارې، د ځایي اوسېدونکو په همکارۍ پیل شوې.
د یادونې وړ ده، پورته ذکر شوې ودانۍ ۴ درسي خونې لري، چې ټول اړین ملحقات هم پکې شامل دي.

- بامیان
د بامیان ولایت د زندان ټولټال ۳۸ تنه مجاهدین او بندیان، د پوهنې ریاست لخوا د سواد زده کړې له کورسونو فارغ شول.