د پوهنې وزارت، د دعوت او ارشاد ریاست له کړنو «اوونیز راپور»
تېره اوونۍ د پوهنې وزارت د دعوت او ارشاد د رئیس مولوي جمعه خان "سروري" په لارښوونه، د یاد ریاست یو پلاوي، د خصوصي زده کړو ریاست او کابل ولایت پوهنې ریاست څخه د لیدنې په ترڅ کې، له مسئولینو او کارکوونکو څخه وغوښتل چې خپل مسئولیتونه په صداقت او اېماندارۍ سره ترسره کړئ او د مراجعینو کارونه له هر ډول خنډ او ځنډ پرته په ټاکلي وخت سرته ورسوئ.
همداراز د پوهنې وزارت د مرکزي هستې ټولو کارکوونکو ته د قرآن کریم د ژباړې او تفسیر لړۍ په نورمال ډول روانه ده.
په ورته مهال د کابل ښار او د ولایتونو له پوهنې ریاستونو څخه لاس ته راغلي راپورونه ښیي چې؛
په تېره اوونۍ کې له ټاکل شوي مهالوېش سره سم د تعلیمي مرکزونو اړوندو کارکوونکو ته د قرآن کریم د ژباړې او تفسیر درسونه دوام لري او د پخوا په څېر په مرکزي هسته کې د یو شمېر ریاستونو د کارکوونکو حال له نږدې وارزول شو او هغوی ته لازمې توصیې وشوې.
