بدخشان ولایت کې د یوې دیني مدرسې د ۱۰ بابه دوکانونو جوړولو چارې بشپړې شوې
د بدخشان ولایت یمګان ولسوالۍ په بازار کې د یوې دیني مدرسې اړوند د ۱۰ بابه دوکانونو جوړولو چارې بشپړې او ګټې اخیستنې ته وسپارل شول.
د يادې ولسوالۍ پوهنې مسئولين وايي، د دغو دوکانونو جوړولو لګښت ٦٠٥ زره ٧٠٠ افغانۍ اټکل شوی، چې د همدغې ولسوالۍ د معارف دوسته اوسېدونکو له خوا ورکړل شوی دی.
په پام کې ده، چې د يادو دوکانونو له عوایدو او کرايې څخه د طلابو لپاره د خوراکي توکو او د هغوی د نورو لګښتونو لپاره ګټه واخیستل شي.
د سيمې اوسېدونکو د يادو دوکانونو په جوړېدو خوښي وښوده او څرګنده یې کړه چې له عوایدو څخه به یې د طلابو ګڼ شمېر اړتیاوې پوره او هغوی ته د زده کړو لازیاتې آسانتیاوې برابرې شي.
