په هرات ولایت کې د ښوونکو مسلکي پراختیا غړو لپاره ورکشاپ جوړ شو
د مسلکي وړتیا لوړولو شپږ ورځنی ورکشاپ چې موخه یې "د اغېزمن تدریس او زده کړې هڅول" دي، د هرات ولایت شاوخوا ۱۱۰ تنو د ښوونکو مسلکي پراختیا غړو لپاره پیل شو.
یاد ورکشاپ د ښوونکو مسلکي مهارتونو ښه کولو، د تدریس مېتودونو پیاوړتیا او د تعلیمي کارکوونکو په ظرفیت لوړولو باندې تمرکز درلود.
د ورکشاپ د پرانیستې په مراسمو کې، د پوهنې چارواکو د ښوونکو د مسلکي پراختیا لپاره د داسې پروګرامونو ترسره کولو پر اهمیت ټینګار وکړ او دا یې په ښوونځیو کې د تدریسي کیفیت ښه کولو لپاره یو اغېزمن ګام وباله.
