په هرات ولایت کې د شوې زلزلې په مناسبت د پوهنې وزارت د سرپرست د خواشینۍ پیغام
د ا.ا.ا د پوهنې وزارت مشرتابه، د هغې سختې زلزلې په اړه چې پرون یې د هرات او د هغه ګاونډي ولایتونه څو ځلې ولړزول او په ترڅ کې یې د ماشومانو او د پوهنې زده کوونکو په ګډون زموږ یو شمېر هېوادوال شهیدان او ټپیان شول؛ په اړه یې خپله ژوره خواشیني او خواخوږي څرګندوي.
( انا لله و انا الیه راجعون)
د پوهنې وزارت د یاد ولایت د ښوونیزو ادارو د زده کوونکو او ماشومانو په ګډون، د یادې پېښې ټولو شهیدانو ته د خدای تعالی(جل جلا له) له دربار څخه د فردوس جنت غوښتنه او ټپیانو ته د سملاسي روغتیا دعاء کوي.
د پوهنې وزارت د یادو ولايتونو پوهنې رياستونو ته لارښوونه کړې، ترڅو د ښوونځيو او مدارسو د زده کوونکو د درملنې په برخه کې دې، د عامې روغتيا رياستونو او نورو اړوندو ارګانونو په همکارۍ بېړني اقدامات وکړئ.
والسلام
الحاج مولوی حبیب الله آغا
د پوهنې وزارت سرپرست
