په میدان وردګ ولایت کې خلکو د یو ښوونځي سره ۴ مېلیونه افغانۍ مرسته وکړه
د میدان وردګ ولایت پوهنې ریاست څخه په خپره شوې خبرپاڼه کې راغلي، چې د یاد ولایت د جلریز ولسوالۍ د ښوونځيو شوراګانو او ځایي اوسېدونکو، د بي بي عایشه صدیقه( رضی الله عنها) ښوونځي سره ۴ مېلیونه افغانۍ مرسته وکړه.
د دوی په وینا، په پام کې ده چې یادې پیسې به د همدغه ښوونځي لپاره د ودانۍ په جوړولو او د یوشمېر نورو برخو په ترمیمولو ولګول شي.
د پوهنې وزارت مشرتابه، د هیواد د زده کړې لپاره د خلکو له ملاتړ، په ځانګړې توګه د میدان وردګ ولایت جلریز ولسوالۍ د مشرانو له مرستو ستاینه کوي.
