په غور ولایت کې نوې درسي خونې جوړې او د سیمه ییزو زدهکړو ۸۱ بابه ټولګي تاسیس شول
پوهنې وزارت د غور ولایت د ۲۳۰۵ تنو له ښوونځيو بهر ماشومانو ته د باکیفیته زدهکړو او روزنې په موخه، د یوې تعلیمي همکارې ادارې په ملاتړ ۸۱ بابه سیمه ییز ټولګي جوړ کړي دي.
همدارنګه د یاد ولایت په مرکز، لعل او سرجنګل ولسوالیو کې د سیاه سنګ شکري منځني ښوونځي، جواد الائمه پشیند نوغجور لومړني ښوونځي، کرامان، تګاب سعید او کجکي جوی عالي لېسو لپاره، د نویو درسي خونو جوړول، د څښاک پاکو اوبو څاګانې کیندل او ترمیم د پوهنې له بودیجې او همکارو ادارو له مرستې څخه د ۶۸۰ زره افغانیو په ټولیز لګښت ترسره شوي دي.
پوهنې وزارت د تعلیمي ملاتړ کوونکو ادارو له مادي او معنوي ملاتړ څخه مننه او قدرداني کوي.
