په دایکنډي ولایت کې ښوونځیو ته د قرطاسیې او درسي وسایلو وېش لړۍ پیل شوه
د دایکنډي ولایت د ښوونځیو زدهکوونکو او ښوونکو ته د ۷ زره او ۴۳۸ کڅوړو قرطاسیې او درسي مرستندویه توکو وېش لړۍ پیل شوه.
د یاد ولایت پوهنې مسوولین وايي: « په دغو مرستو کې د ۷۰ زره او ۳۴۰ زدهکوونکو لپاره ۳ زره او ۵۱۷ کڅوړې قرطاسیه، د ښوونکو لپاره ۲ زره او ۲۵۰کڅوړې درسي مرستندویه توکي، ښوونځیو ته ۳۷۹ کڅوړې اداري پاڼې، ۳۱ پایې سپینې تختې، ۴۳۶ کڅوړې د کتابونو ټوکونه او پاکوونکي مواد شامل دي.
دغه مرستې د پوهنې یو همکار بنسټ لخوا د دایکنډي ولایت پوهنې ریاست ته سپارل شوې دي، چې د ټاکل شوې ونډې له مخې به د یاد ولایت د ښوونځیو ښوونکو او زدهکوونکو ته ووېشل شي.
