هلمند ولایت کې د ۸ مېلیونه افغانیو څخه په زیات لګښت د ښوونځي نوې ودانۍ جوړه شوه
د هلمند ولایت ناوې ولسوالۍ اړوند دشت خسرو آباد ښوونځي نوې ودانۍ، د یوې همکارې ادارې په مرسته د ۸ مېلیونه، ۴۹۹ زره او ۱۶۰.۷۳ افغانیو په لګښت جوړه شوه، چې شپږ درسي خونې، تشنابونه، د لمریزې برېښنا سیسټم، د څښاک اوبو یو حلقه څاه او نور اړین لوازم لري.
د یاد ښوونځي د پرانیستې په مراسمو کې د پوهنې مسئولینو، د ولسوالۍ چارواکو، مسلکي پراختیا ښوونکو علمي غړو او د ځایي خلکو استازو ګډون درلود.
د هلمند پوهنې رئیس محترم الحاج مولوي محمد عوض انصاري د پوهنې پر اهمیت او د تعلیمي پروسې په پیاوړتیا ټینګار وکړ.
د یادونې وړ ده، پورته ذکر شوې ودانۍ په پخه او اساسي ډول جوړه شوې، چې په پایله کې یې د زدهکوونکو لپاره مناسب تعلیمي چاپېریال رامنځته شو.
