نورستان ولایت کې د ۱.۵ مېلیونه افغانیو په لګښت د یو باب ښوونځي بیارغونې پروژه بشپړه شوه
د نورستان ولایت په مرکز پارون ښار کې د کوشت منځني ښوونځي بیارغونه او د شاوخوا دېوال رغونې پروژه، د ۱.۵ مېلیونه افغانیو په لګښت بشپړه او د پوهنې چارواکو، د نورو سیمه ییزو ادارو مسئولینو او یو شمېر جیدو علماءکرامو په حضور کې پرانیستل شوه.
د یاد ولایت پوهنې رئیس محترم الحاج مولوي تاج محمد مطمئن ډاډ ورکړ چې د بیارغونې ورته پروژې په یو شمېر نورو ښوونځیو کې هم پیل شوې او ټاکل شوې په نږدې راتلونکي کې به ګټې اخیستنې ته وسپارل شي.
