نن د کابل ښار په سیدجمال الدین افغان دارالمعلمین کې د اسلامي.ا. له ۱۲۳ تنو م.جاهدینو څخه د سویې د تثبیت ازموینه واخیستل شوه

د اسلامي.ا. له ۱۲۳ تنو هغو م.جاهدینو څخه، چې د ج.هادي فعالیتونو له امله د زده‌کړو له دوام څخه پاتې شوې وو، د کابل په سیدجمال الدین افغان دارالمعلمین کې د سویې د تثبیت آزموینه واخیستل شوه.
د یادې ازموینې په پرانیسته کې، د پوهنې وزارت د آزموينو کمېټې رئيس محترم مولوي عبدالواحد واحديار ګډون والو ته د ښه راغلاست ترڅنګ، د ياد بهير په اړه مفصل معلومات وړاندې او له هغوی یې وغوښتل، چې له شته تعلیمي فرصتونو څخه اعظمي ګټه پورته کړي، تر څو په راتلونکي کې خپلو خلکو او هېوادوالو ته د لاښه خدمت جوګه شي.
په پام کې ده چې د پورته ذکر شوې ازموینې ګډون وال به تر ارزونې وروسته، د ښوونځیو په آتم تر دولسم ټولګیو کې شامل شي.
د یادونې وړ ده، چې د روان لمریز کال پرمهال په کابل ښار کې د یادې ازموینې دا ۳م پړاو دی، چې په ترڅ کې یې له شاخوا ۳۰۰تنو م.جاهدینو څخه د سویې د تثبیت ازموینه اخیستل شوې او هغوی د خپلو تحصیلي سویو سره سم په بېلابېلو ښوونځیو کې شامل شوي دي.