له پوهنې سره د میدان وردګ ولایت د خلکو ملاتړ دوام لري
دوو تنو معارف دوسته وګړو، د میدان وردګ ولایت جغتو ولسوالۍ اړوند د امام ابوحنیفه "رحمه الله" ګربت عالي لېسې د لمریزې برېښنا سیسټم د ترمیم او نصبولو په موخه، د ۲۰ زره ۲۶۰ افغانیو مرسته وکړه.
دغه راز د یاد ولايت په جلګې ولسوالۍ کې د غازي عبدالکبير خان لېسې ته د برېښنا رسولو سيسټم، د دغې لېسې د آمر په مرسته د ٦٠ زره افغانيو په ارزښت بشپړ او ګټې اخيستنې ته وسپارل شو.
- د میدان وردګ ولایت مرکز اړوند د بالاه ده کهنه خانه ښوونځې ودانیزې چارې چې د ۴مېلیونه ۹۸۰ زره افغانیو په لګښت د پوهنې یو همکار بنسټ په مالي مرسته پیل شوې وې، په دې وروستیو کې بشپړې او ګټې اخیستنې ته وسپارل شوې. په یاده پروژه کې احاطوي دېوال، تشنابونه، یو حلقه څاه، د اوبو سیسټم او نورې آسانتیاوې شاملې دي.
