د کابل ښار په یوه لېسه کې د څښاک پاکو اوبو او لمریزې برېښنا اسانتیاوې برابرې شوې
د کابل ښار اړوند سیدالناصري عالي لېسې لپاره د ۲۱۰ مترو په ژوروالي د اوبو يو حلقه څاه کیندلو او د لمریزې برېښنا د اسانتیاوو برابرولو پروژه، د یوه همکار بنسټ په مالي مرسته د ۲ میلیونه، ۴۰۰ زره او ۲۲۰ افغانیو په لګښت بشپړه او د کابل ښار پوهنې ریاست مسوولینو په حضور کې ګټې اخیستنې ته وسپارل شوه.
د چارواکو په وینا، د یادې پروژې په بشپړېدو سره زدهکوونکو او کارکوونکو ته د پاکو اوبو او برېښنا اسانتیاوې برابرې او په سالم چاپېریال کې د زدهکړو زمینه برابره شوه.
