د پکتیکا ولایت پوهنې رئیس د پوهنې وزارت د اسلامي زده کړو له معین سره وکتل
د پکتیکا ولایت پوهنې رئیس مولوي عبدالوکیل خالد د پوهنې وزارت د اسلامي زده کړو له معین الحاج مولوي کرامت الله آخندزاده سره د نوموړي په کاري دفتر کې وکتل.
دواړو لوریو د یاد ولایت د پوهنې په تړاو د اوسنیو پرمختګونو او ننګونو په اړه بحث او نظرونه تبادله کړل.
په دې کتنه کې د پوهنې وزارت د اسلامي زده کړو معين د یاد ریاست له کړنو څخه د ستاینې ترڅنګ ژمنه وکړه، چې د همدغه ادارې ستونزې به د پوهنې وزارت له مشرتابه سره شريکې کړي.
په پاى کې د پکتيکا پوهنې رئيس ددغه وزارت له اسلامي زده کړو معین څخه مننه وکړه، چې د خپلو مصرفیتونو سره-سره یې ورته د لیدنې فرصت برابر کړ.
