د پوهنې وزارت مشرتابه لخوا د ځانګړي استعداد خاوند زده‌کوونکی وستایل شو

media-moe
شنبه ۱۴۰۴/۵/۱۸ - ۱۵:۵۸
9887

ښاغلی سمیع الله، د ښوونځي یو تن بااستعداده زده‌کوونکی چې د ریاضياتو په برخه کې ځانګړی ذکاوت لري، د پوهنې وزارت مشرتابه له لوري د یوې شانداره غونډې په ترڅ کې وستایل شو.

لومړی د پوهنې وزارت د استعدادونو ارزونې رئیس محترم مولوي عبدالولي سداد، ګډون‌والو او مېلمنو ته د ښه راغلاست ترڅنګ، د صنفي اصولو دورې زده‌کوونکي ښاغلي سمیع الله ځانګړي استعداد ته په اشارې سره وویل: "بې له شکه، زموږ د خلکو هیله زموږ په راتلونکي نسلونو او ځوانانو پورې تړلې ده؛ له همدې امله، هغوی باید هڅه وکړي چې د علم او پوهې په ترلاسه کولو کې جدي هڅې وکړي، ترڅو زموږ د ځورېدلي ملت ټولې هیلې پوره شي."

همدارنګه د پوهنې وزارت د اساسي او ثانوي زده‌کړو رئیس محترم الحاج مفتي محمد یوسف ثاقب هم په خپله وینا کې وویل: "د پوهنې وزارت ژمن دی چې د ټولو طالب‌العلمانو او زده‌کوونکو استعدادونو ته پراختیا ورکړي؛ ترڅو په راتلونکي کې دوی د هېواد کارپوه او نامتو علمي کادرونه وګرځي."

ورپسې د پوهنې وزارت مالي او اداري معین محترم الحاج مولوي صبغت الله وصیل، دغه با استعداده ماشوم ته د مهمو او اساسي لارښونو ورکولو په ترڅ کې څرګنده کړه: "الله تعالی ځینو خلکو ته فطري استعدادونه ورکړي دي او سمیع الله یو له هغو څخه دی. د پوهنې وزارت دا خپل مسئولیت ګڼي چې د ځانګړو استعدادونو لرونکو ټولو ماشومانو هڅونه او هر اړخیز ملاتړ وکړي.

نوموړي زیاته کړه: "د پوهنې وزارت د ټول هېواد څخه د سمیع الله جان په څېر با استعداده زده‌کوونکو لپاره یو نمونوي ښوونځی تاسیس کړی؛ ترڅو هغوی وکولی شي د اړینو تعلیمي اسانتیاوو، عصري تدریسي موادو او تجربه لرونکو ښوونکو په لارښوونه په وجه‌احسن ډول خپلې زده‌کړې پرمخ بوځي."

د غونډې په پای کې یاد زده‌کوونکی د پوهنې وزارت مشرتابه لخوا د ۵۰ زره افغانیو نغدي ډالۍ، یو پایه کمپیوټر او یو جوړه جامو ورکولو سره وستایل شو.

غونډه د ملت د هوساینې او سوکالۍ او په هېواد کې د علم او پوهې لاپرمختګ لپاره په مبارکې دعائیې سره پای ته ورسېده.

تازه خبرونه

شنبه ۱۴۰۴/۹/۸ - ۱۰:۵۸
Background image

فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه

د فاریاب ولایت په خواجه موسی ولسوالۍ کې د "یکه‌تپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸. . .

پنجشنبه ۱۴۰۴/۹/۶ - ۱۱:۳۲
Background image

د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه

د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډون‌والو څخه ۵۶ یې د شرایطو وړ وپېژندل شول. . .

پنجشنبه ۱۴۰۴/۹/۶ - ۱۱:۳۰
Background image

د پوهنې وزارت د دعوت او ارشاد محترم رئیس د فراه ولایت له پوهنې چارواکو سره وکتل

د پوهنې وزارت د دعوت او ارشاد رئیس محترم الحاج مولوي جمعه خان سروري په رسمي سفر فراه ولایت ته لاړ او د یاد ولایت له پوهنې رئیس محترم الحاج مولوي اخترمحمد زعیم او چارواکو سره یې وکتل.
پل. . .

BACK TO NEWS