د پروان ولایت حضرت احمد مختار دارالحفاظ لپاره یو باب ودانۍ وقف شوه
د پروان ولایت جبل السراج ولسوالۍ اړوند ګذره کلي دیندارو او علم پروره اوسېدونکو، د حضرت احمد مختار دارالحفاظ لپاره، یوه دوه پوړیزه ودانۍ چې پنځه درسي ټولګي او یوه اداري خونه له ټولو اړینو آسانتیاوو سره لري او په ۲۰۰ متره مربع ځمکه کې جوړه شوې وه، ډالۍ کړه.
د پوهنې مسئولینو په وینا، د دغې ودانۍ په جوړولو ټولټال ۶۰ زره امریکایي ډالر لګښت راغلی، کوم چې د یادې ولسوالۍ اوسېدونکو لخوا ورکړل شوی دی.
د پوهنې وزارت مشرتابه د پروان ولایت له اوسېدونکو څخه د همدغې ودانۍ په جوړولو کې د دوی د مرستې له امله مننه کوي.
