د هرات ولایت د پوهنې ریاست سره مرسته و شوه
پوهنې وزارت، هرات: د مکتب جوړونې ټولنيز انجمن په هرات ولايت کې د ياد ولايت له ښوونځيو سره د خوراکي توکو او روغتیايی کڅوړو مرسته وکړه.
د يادو توکو د اخيستنې په غونډه کې د هرات ولايت د پوهنې رئيس د یادې ټولنې له دې مرستې څخه خوښي څرګنده کړه او وې ويل: د زده کووونکو د کورنيو اقتصادي وضعيت ته په کتو سره، مرسته شوې روغتیايي کڅوړه به د ساري ناروغیو، په خاصه توګه د کرونا وایروس د مخنیوي په برخه کې له زده کوونکو سره مرسته وکړي او همداراز مرسته شوي خوراکي توکي به د زده کوونکو ذهنې وړتیا زیاته او د خوار ځواکۍ کچه راټیټه کړي.
د هرات ولایت د پوهنې رئیس ژمنه وکړه چې مرسته شوي توکي به په شفاف ډول د یادې ټولنې د استازي له لوري د ادرسکن ولسوالۍ په ګډون، مرکز پورې اړوند دیارلس ښوونځیو کې وویشل شي.
د یادونې وړ ده، چې دا ټولنیز انجمن د هرات ولایت د سوداګرو په نوښت جوړ شوی دی.
