د قرارداد ورکولو پرېکړې اعلان په اړه د پوهنې وزارت خبرتیا
د تدارکاتو قانون د ۴۳ مادې د (۲) فقرې سره سم، ټولو کسانو ته خبر ورکول کېږي، د پوهنې وزارت په پام کې لري چې د یاد وزارت د مرکزي ریاستونو د جنراتورونو فعال ساتلو لپاره د ۳۸ قلمه توکو او پرزو د تهیه کولو او پېرودلو پروژې لپاره یو قرارداد د لږ تر لږه ۶۸۹ زره ۶۶۰ افغانۍ او حداکثر ۹۹۶ زره ۸۰۰افغانۍ قېمت ورکړي.
هغه حقیقي اشخاص او حقوقي ادارې چې په دې اړه کوم اعتراض لري، کولی شي خپل اعتراضونه په لیکلي ډول، د خپلو دلایلو سره یوځای د یاد اعلان د خپرېدو له نېټې څخه د اوو تقویمي ورځو په اوږدو کې، د تدارکاتو قانون د ۵۰ مادې د احکامو سره سم، د پوهنې وزارت د تدارکاتو ریاست ته وسپاري.
