داوطلبۍ اعلان
د ملي تدارکاتو ریاست د ۱۴۴۷/۱۲/۲۷ نېټې (۲۰۵۸۰) ګڼې متحدالمال او د تدارکاتو د کړنلارې پر بنسټ، د پوهنې وزارت په پام کې لري چې د ۱۴۰۵ مالي کال لپاره د خدماتو ریاست د وسایطو او جنراتورونو د اړتیا وړ ۳۵ قلمه روغنیاتو، فلټرونو او انټي فریز اوبو د تدارک او پېرلو پروژې قرارداد، د ۳,۴۴۹,۴۹۷.۵ (درې میلیونه، څلور سوه نهه څلوېښت زره، څلور سوه اووه نوي اعشاریه پنځه) افغانیو په ټولیز ارزښت، د بلال عیسیزاده لوژستیکي او سوداګریز خدماتي شرکت ته، چې د کابل ښار د قوای مرکز په سیمه کې موقعیت لري، ورکړي.
هغه حقیقي او حکمي اشخاص چې په دې اړه هر ډول اعتراض ولري، کولای شي د اعلان د خپرېدو له نېټې څخه تر پنځو تقویمي ورځو پورې خپل لیکلی اعتراض، له اړوندو دلایلو سره یوځای، د پوهنې وزارت د تدارکاتو ریاست ته، چې د کابل ښار د ده افغانانو په محمدجان خان واټ کې موقعیت لري، وسپاري.
د پوهنې وزارت
د نشراتو او عامه اړیکو ریاست
