اهدای ۱۱۰۰ متر مربع زمین برای یک مکتب در ولایت کاپیسا
بهمنظور توسعه ساحه مکتب متوسطه غلامحیدر شهید، در ولسوالی حصه دوم کوهستان ولایت کاپیسا، قطعه زمینی به مساحت ۱۱۰۰ متر مربع از سوی اهالی محل به معارف اهدا گردید.
به گفته مسوولان، از این میان، ۳۷۰ متر مربع آن از سوی ملک عبدالمنیر، شخصیت معارفپرور، بهگونه رایگان اهدا شد و ۷۳۰ متر مربع دیگر توسط شورای مردمی مکتب به مبلغ مجموعی ۲۱۹ هزار افغانی خریداری گردید.
قابل یادآوری است که سنگ تهداب دیوار احاطه این زمین بهمنظور تأمین ساحهای امن برای مکتب، با حضور محترم الحاج قاری احسانالله بریال، والی ولایت کاپیسا، محترم الحاج مولوی سید محمد فیضی، رئیس معارف ولایت کاپیسا، جمعی از علمای کرام و اعضای شورای مکتب به زمین گذاشته شد.
