تزریق واکسین وایروس کرونا برای کارمندان ریاست معارف ولایت کندز
وزارت معارف، کندز: تزریق واکسین وایروس کرونا از جانب ریاست صحت عامه ولایت کندز در حضورداشت محترمه نصیبه هولکر معاون مالی اداری مقام ولایت، احسان الله فضلی رئیس صحت عامه و نجیب ثاقب رئیس معارف ولایت کندز آغاز گردید.
خانم نصیبه هولکر معاون مقام از تعهد رهبری مقام ولایت کندز در قبال روند تطبیق این واکسین در مرکز و حوزه های تعلیمی ولایت کندز اطمینان داد.
نجیب ثاقب رئیس معارف ولایت کندز ضمن تشکری از ریاست صحت عامه، از راه اندازی تطبیق واکسین وایروس کرونا برای کارمندان معارف در این ولایت ابراز خرسندی نموده از همه کارمندان ریاست معارف خواست که مرحله اول این واکسین را اخذ نمایند و از رهنمود های ریاست صحت عامه نیز پیروی کنند.
