دپکتیا پوهنې رییس: - سږ کال د ۶۰ میلیونه افغانیو په ارزښت ۷۲ جریبه ځمکه د ښوونځيو جوړولو په پار د ولس له لوري مرسته شوې
د پکتیا دپو هنې رییس استاد کوچي ځاځي وايي، چې د تیر کال په ترځ کې ددې ولایت د پوهنې د ودې، پرمختګ او د ښوونځیو د زده کوونکو لپاره مناسب ښوونیږ چاپیریال را منخته کیدو په موخه د ۶۰ میلیونو افغانیو په ارزښت ۷۲ جریبه ځمکه د ولس له لوري پوهنې ریاست سره مرسته شوې .
ښاغلي ځاځي دیوه مطبوعاتي کنفرانس په ترڅ کې رسنیو سره په خبرو کې وویل : لکه څنګه چې تېر کال د پوهنې په نوم نومول شوی وو په همدې ډول زمونږ د هڅو او د ولس د بې کچې مرستې پایله خوښي بښوونکې وه، ۷۲ جریبه ځمکه چې ارزښت یې ۶۰ میلیونه افغانۍ کیږي په بیلابیلو سیمو کې د ولس له لوري د ښوونځیو ودانیو جوړولو په پار مرسته شوې، چې په رښتیا د خوښۍ ځای دی.
ددې تر څنګ نوموړي د پکتیا له ولسونو مننه وکړه چې دوی په دومره لویه کچه د پوهنې د بهیر د لا ښه پر مخ بیولو په برخه کې همکاري کوي، استاد کوچي په راتلونکي کال کې هم د زیات شمیر ښوونځیو د ودانیو جوړیدلو یادونه وکړه.
د یادولو وړ ده، چې دا لومړی ځل نه دې چې د پکتیا ولسونه د یاد ریاست سره مرسته کوي، بلکې له دې وړاندې یې هم په بیلابیلو برخو کې خپله همکاري ترسره کړې ده .
