روند تطبیق واکسین کووید-۱۹ برای معلمین مکاتب در سراسر کشور آغاز شد

روند تطبیق واکسین کوید-۱۹ برای معلمین سراسر کشور با حضور محترمه رنگینه حمیدی سرپرست وزارت معارف، محترم داکتر مجروح سرپرست وزارت صحت عامه، نمایندگان اداره یونیسف و سازمان صحی جهان، در لیسه الفتح شهر کابل آغاز گردید.

محترمه رنگینه حمیدی سرپرست وزارت معارف از رهبری دولت افغانستان، وزارت صحت‌عامه و شرکای صحی برای فراهم نمودن زمینه تطبیق واکسین کرونا به معلمین مکاتب اظهار قدردانی نموده وعده سپرد تا در هماهنگی با وزارت صحت عامه در قسمت آگاهی دهی عامه همکاری همه جانبه نماید،

اداره یونیسف و سازمان صحی جهان در افغانستان در مورد تطبیق واکسین کووید -۱۹ به اشتراک کنندگان معلومات داده و از ادامه همکاری های بیشتر این نهاد در این راستا به دولت افغانستان خبر دادند.

سرپرست وزارت صحت عامه نقش معارف را در کشور حیاتی خوانده افزود: افغانستان تنها کشوری است که در نخست تطبیق واکسین کوید ۱۹ را به کارمندان صحی، استادان مکاتب و پوهنتون‌ها، نیروی‌های امنیتی و دفاعی کشور و اعضای رسانه‌ها در نظر گرفته است تا در مقابل این ویروس واکسین شوند، وی افزود: قرار است در این دور حدود چهارصد هزار از معلیمن مکاتب و پوهنتون ها در سراسر کشور واکسین گردند.