مساعدت به شاگردان بی سرپرست در ولایت لغمان

وزارت معارف، لغمان: از طرف موسسه HHRD به شاگردان یتیم وبی سرپرست مکاتب مربوط ولایت لغمان مواد خوراکی مساعدت گردید.

مواد خوراکی مساعدت شده شامل آرد، برنج و روغن می‌باشد که طی محفلی به ۲۵۰ تن از شاگردان مذکور توزیع گردید.

مولوی حیات الله حیات فرقانی آمر تعلیمات اسلامی ریاست معارف لغمان ضمن تشکر از کمک‌های موسسه یاد شده، خواستار حمایت‌های هر چه بیشتر شان در عرصه معارف گردید.

ذبیح الله شیر زاد مسول زون شرق موسسه یاد شده به نمایندگی از مسوولین موسسه متذکره پشتیبانی شان را از ریاست معارف اعلام نموده افزود که به همکاری‌های شان با ریاست معارف ولایت مذکور ادامه خواهند داد.